१
तिमी हामी साथी हौं
सानै देखि हामी सङ्गै छौं।
साना ठूला सबै आकार
पार्ने छौं जीवन साकार
साथ दिन्छौं सँधै रमाएर
नर्बिसौं है नाम कमाएर।
सुगन्धित फूल हामी रोप्दछौं
क्रुर काँडा हामी छौप्दछौं।
रङ्गबिरङ्गी साथी भाई
लान्छौं संगै प्रगतिलाई।
असलकुरा हामीले नलेखे
छुट्येला है बाटो नदेखे।
हाम्रो भावना सँधै पवित्र
बनाउने छौ असल चरित्र।
ठूलाको क्रुरता हामी मान्दैनौं
हुर्केपछि यस्तो हामी जान्दैनौं।
सफल बन्ने हाम्रो प्रण छ
हामीमा शक्तिशाली कण छ।
आजका हामी कलिला कोपिला
भोलि हामी बलिया र जोसिला।
२
हामी साना नानी
बन्नैछौं पछि ज्ञानी
प्रगतिको नयाँ बाटोमा
उन्नति गर्छौं आफ्नो माटोमा
हाँसी खुशी बाँच्ने छौं
राष्ट्र्यिता हाम्रो साँच्ने छौं।
फूलबारीका चरी झैं
हँसिला स्वर्गका परी झैं।
पढने लेख्ने मुख्य काम
किताब नै हो हाम्रो धाम।
सबैलाई आदर राम्रो गरी
सुवास फैलाउने वरिपरी ।
सिप कला सिकेर
नयाँ सिर्जना झिकेर
हामी अघि बढने छौं
शिखरमा चढने छौं।
साना साथी राम्रा छन्
ठूला जति चाम्रा छन्।
बाध्य पार्छन् गल्ती गर्नमा
हामीलाई गा¥हो जँघार तर्नमा
सानाहरुलाई साथ दिन्छौं
सानाहरुकै बात लिन्छौं।
ठूलाहरु सबै धोखेबाज
बोक्छन् काम न काज।
No comments:
Post a Comment