प्राकृतिक पबित्र मन

रुखका पातहरुले मलाई
स्वागत् गरेकै छन्
के भयो र ति कलिला मानवका
कठोर शब्दले स्वागत् नगरेर ।

बाटाका चुच्चे ढुङ्गाहरुले मलाई
अटल भएर हेरेकै छन्
मानवता रहित मानवले
एकपल नहेरे पनि ।

नरम पैतालाले स्पर्स गरेका
माटाका त्यी थुप्राहरु
चिन्तित छैनन् ,
उनीहरु बिरुद्ध कठोर जुत्ता प्रयोग गरेपनि ।

काटेका रुखका पालुवाहरू
आँखाभरी आँशु लिएर हेरेका छन्
आफ्ना पुर्खाहरुका पुराना हितैषी सम्झेर ।

मेरो स्वागतमा जुटेका केराका पातहरु
आतुर छन् मलाई भेट्न
तर म भेटुँ कसरि
सकिन सम्पर्क गर्न
इमेल लेखेर ।